هيواد راډيو تلوېزيون هيواد راډيو تلوېزيون
په جنوبي کوریا کي د سامسونګ کمپنۍ تایید کړې ده، چي په دغه شرکت کي د کار کولو پر مهال یې ځینې کارکوونکي د سرطان وژونکي او دې ته ورته نورو ناروغیو باندې اخته سوي دي.
په دغه هیواد کي د سامسونګ شرکت مشرتابه ددې ناروغانو له کورنیو بخښنه غوښتې ده.
په جنوبي کوریا کې ددغه شرکت مشر (کیم کي نام) نن د یوې ناستي پر مهال دا په ډاګه کړې ده چي، ځینې کارکوونکي یې د کار پر مهال پر سرطان او نورو ناروغیو اخته سوي او ان ځینو یې خپل ژوندونه له لاسه ورکړی دی. نوموړي ویلي، پوهېږي چې د دوی د کورنیو لپاره به دا یو بد خبر وي، خو سامسونګ شرکت د قربانیانو کورنیو ته د هر ډول تاوان ورکولو لپاره تیار دی.
راپورونه دا هم وایي چي تر اوسه پورې ددغه شرکت ۲۴۰ کارکوونکي د کار پر مهال د ځینو کیمیاوي موادو د کارولو له کبله پر سرطان اخته سوي، چې تر اوسه پورې ۱۰۰ تنه چي د ویني پر سرطان اخته وو، خپل ژوندونه له لاسه ورکړي دي.