هيواد راډيو تلوېزيون هيواد راډيو تلوېزيون
په افغانستان، ملګرو ملتونو او عراق کي د امریکا پخواني سفیر زلمی خلیلزاد پر اسلام اباد د احتمالي بندیزونو په اړه وايې، چي د پاکستان د پوځ او «ای. ایس. ای» هغه کسان به چي د افغانستان پرضد کار کوي په تور لېست کې شامل سي چي نه به دوی او نه به د دوی د کورنۍ غړي امریکا ته سفر کولای سي، همداراز که چېري دغه کسان په امریکا کي په بانکونو کې پیسې لري، پیسې به یې کنګل سي.
زلمی خلیلزاد چې د امریکا د حاکم ګوند جمهوري غوښتونکو مخکښ غړی دی، زیاتوي چي د ناټو د دوستانو له لېست څخه به هم پاکستان وایستل سي، امریکا به پر ټولې پوځي مرستې بندې کړې، هر کال چې واشنګټن پاکستان ته د اموالو د انتقال لپاره پیسي ورکوي هغه به هم پرې قطع سي.
د پاکستان پوځي او ملکي چارواکو د ولسمشر ټرمپ خبرې غندلې دي او پرون په اداري فساد تورن سوي پخواني صدراعظم نواز شریف پر نوي صدراعظم ږغ وکړ چې حل لاره پیدا کړي.