هيواد راډيو تلوېزيون هيواد راډيو تلوېزيون
د ایرلینډ په کوربه توب د هندوستان او ایرلینډ د کرکټ ملي لوبډلو ترمنځ لومړۍ ۲۰ اوریزه سیالۍ کي هندۍ لوبډلي ایرلینډ څخه په خپل کور کي په لوړ توپیر سره بریا خپله کړه.
د دواړو کرکټ ملي لوبډلو ترمنځ د ایرلینډ په دوبلین ښار کي دوه ۲۰ اوریزه کرکټ سیالۍ پلان سوې دي، چي لومړۍ لوبه یې د هندۍ کرکټ ملي لوبډلي په ګټه پای ته ورسیده.
په دې لومړۍ ۲۰ اوریزه سیالۍ کي هندۍ لوبډلي د پیلیزو لوبغاړو روهیت شرما د ۹۷ او شیکر ډاون د ۷۴ منډو پرمټ په ټاکلو ۲۰ اورونو کې د ۶ لوبغاړو په سوځیدو ټولې ۲۰۶ منډې جوړې کړې.
ایرلینډۍ لوبډلې د لوبې ځوابي پیل کې د هندي بالرانو خلاف ښه ونکړ او د لوبې تر پایه پورې یې یواځې ۱۳۲ منډې جوړې کړې.
په دې لومړۍ سیالۍ کي هندۍ لوبډلي د ۷۴ منډو په لوړ توپیر سره ایرلینډ د کرکټ ملي لوبډلي ته ماته ورکړه.