هيواد راډيو تلوېزيون هيواد راډيو تلوېزيون
د پاکستان د بهرنیو چارو وزارت وایي چي د افغان سولي لپاره د امریکا ځانګړي استازي زلمي خلیلزاد په پاکستان کي د یاد هیواد د بهرنیو چارو له وزیر شاه محمود قریشي او سیاسي مرستیالي تهمینه جنجوعه سره په جلا ډول لیدلي دي.
سرچینه کاږي چي نوموړي په یادو لیدنو کي له پاکستاني چارواکو سره پر افغان سوله خبري کړي دي او ترې غوښتی یې دي چي د دې بهیر ملاتړ وکړي او د افغان ستونزي په سوله ییز حل کي مرسته وکړي. خلیلزاد په دې لیدنه کي پاکستاني چارواکو ته دا پیغام هم رسولی چي د امریکا ولسمشر ډونالډ ټرمپ د افغان جګړې په ختمولو کي له پاکستانه د جدي همکارۍ غوښتونکی دی.