ایران د لنډ واټن ویشتونکو توغندیو د نوي نسل ازموینه وکړه

ایران  ژمنه وکړه چي د امریکا د غوښتني پرخلاف به په دې برخه کي خپل ظرفیت نورهم پیاوړی کړي.

د ایران دولتي رسنیو پرون راپور ورکړ چي د فتح مبین په نوم د دې نوي توغندۍ ازموینه په بري ترسره سوې ده.

ایرانی چارواکي وايي، دا توغندی کولای سي خپل هدف په وچه او سمندر کي په نښه کړي. د ایران د دفاع وزیر امیر حاتمي ویلي چي دا نوی توغندی په بشپړه توګه په ایران کي جوړ سوی دی.