هيواد راډيو تلوېزيون هيواد راډيو تلوېزيون
په پاکستان کي دوه خبريالان چي په پښتونخوا او قبايلي سيمو کي يې له بهرنيو رسنيو سره دندي درلودې، په تېرو دوو ورځو کي ورک سوي دي.
شهنواز ترکزي چي د مشال راډيو خبريال دی، د پښتونخوا په شبقدر کي له خپل کارځای څخه څاګرو ادارو، له ځان سره پورته کړی دی. د هغه لپټاپ کمپيوټر هم ورک دی. اسلام ګل اپريدي بل خبريال دی، چي له اسټراليايي راډيو سره کار کوي. نوموړي د قبايلي سيمي دی، خو له اسلام اباد څخه خپل وطن ته پر لاره ورک سوی دی. تېره اوونۍ پاکستان کي د يوه ځايي ټلوېزيون خبريال هم له کور بهر وژل سوی و.
طالبان ددغه خبريال وژل مني او وايي، چي نوموړي د پاکستان د څارګري اداري (ای ايس ای) لپاره کار کاوه. پاکستان هم د خبريالانو د کار لپاره ناامن هېواد بلل کيږي، چي وخت ناوخت په دغه هېواد کي رسنيز کارکوونکي د خپلو حقونو لپاره ږغ پورته کوي او يا هم مظاهرې کوي.