هيواد راډيو تلوېزيون هيواد راډيو تلوېزيون
د هند پوځ وایي، د کشمیر په لانجمنه سیمه کې پرون دوشنبه د پاکستانیو سرحدي ځواکونو د ډزو په یوې نوې پېښه کي یو هندی سرتېری مړ او درې نور سخت ټپیان سول.
دغه پېښه د کنټرول کرښي ته نږدې د راجوري سیمي په سوندیرباني برخه کي سوې ده.
هندي پوځي چارواکو وویل چي ځواکونو یې د پاکستاني سرتېرو ډزو ته متقابل ځواب ورکړ او نښتو شااوخوا دوه ساعته دوام وکړ.
له هغې را وروسته چي تېره میاشت د هند تر کنټرول لاندی کشمیر کي په یوه خونړۍ حمله کي شااوخوا ۴۰ هندي سرتېري ووژل سول او مسؤلیت یې پاکستان کي دېره جیش محمد سخت دریځې ډلي اخیستی، د دواړو هېوادونو ترمنځ د زیات سوي کړکېچ په ترڅ کي له اوربنده د دواړو لورو له خوا د څو سرغړونو راپورونه ورکړل سوي دي.