هيواد راډيو تلوېزيون هيواد راډيو تلوېزيون
دوی په هغو بریدونو کي په لاس لرلو تورن دي چي په پایله کي یې ۳۲ پوځیان او دوه ملکیان وژل سوي دي.
د پاکستان د پوځ په اعلامیه کي راغلي، لوی درستیز په عین حال کي د ۲۰ کسانو لپاره چي ادعا کیږي افراطي وسله وال دي، د بند سزا هم تصویب کړې ده.
د اعلامیې له مخي دا کسان پر امنیتي ځواکونو او عیسویانو په بریدونو کي په لاس لرلو تورن پېژندل سوي دي.
پر دوی دغه راز تور دی چي د تعلیمي ادارو په ویجاړولو کي هم لاس لري.
پاکستان د مرګ پر سزا محدودیت په ۲۰۱۴ کال کي وروسته له هغې لرې کړ چي په پېښور کي پر یوه پوځي ښوونځي برید کي تر ۱۵۰ ډېر کسان ووژل سول.