هيواد راډيو تلوېزيون هيواد راډيو تلوېزيون
ځانمرګو بریدګرو د هرات ښار پر شپږمه امنیتي حوزه برید کړی دی.
د راپورونو له مخې تېر ماښام شپږ بجي درو وسله والو د هرات ښار پر شپږمه امنیتي حوزه برید وکړ او ددغه حوزې ودانۍ ته ننوتل.
دوی مخامخ له پولیسو سره نښته پيل کړه او څو ساعته دغه نښتې دوام وکړ.
د هرات امنیه قومندان امین الله امرخېل وایي، بریدګر تر څو ساعته نښتي وروسته وژل سوي دي.
دده په خبره د بریدګرو له ډلي یوه یې ځانمرګی واسکټ درلود او پاته دوه په وسلو سمبال وو.
هغه وايي په پېښه کي دوه پولیس او یو ملکي وګړی وژل سوي دي.
د هرات د ملکي روغتون کارکوونکي هم وايي چي د پېښي له سیمې درې جسدونه او یو ټپي وروړل سوي دي. د
دغه برید مسٔوولیت تر اوسه کومي ډلي نه دی منلی.