هيواد راډيو تلوېزيون هيواد راډيو تلوېزيون
امریکايي چارواکي وايي، چي یوه ۱۹ کلن هلک چي په فلوریډا ایالت کي له یو ښوونځۍ څخه ایستل سوی وو، تېره ورځ د دغه ښوونځي ۱۷ زدهکوونکي او یو شمېر کارکوونکي یې په ډزو وژلي دي.
نیکولاس کروز چي د ناڅرګندو دلایلو له مخي له خپل ښوونځي څخه ایستل سوی و تر دغه مرګوني حملې یو ساعت وروسته ځان بې له کوم تاوتریخوالي پولیسو ته تسلیم کړ.
دغه حمله تېره ورځ د میامي په ۷۰ کېلو مترۍ کي د فلوریډا د پارکلند په سیمه کي د درسي ساعت تر پای ته رسېدو وروسته رامنځته سوه.
ولسمشر ټرمپ تر دغي حملي وروسته په خپل لومړني ټویټ کي د پېښي د قربانیانو له کورنیو سره خواخوږي ښودلي.
په سیمه کي د سکاټ اسرائیل په نوم پولیس ویلي، چي د دغې پېښي په قربانیانو کي د ښوونځي زدهکوونکي او د دغه ښوونځي کارکوونکي شامل دي چې اکثره یې د ښوونځي په ودانۍ کې وژل سوي دي.
دا په روان میلادي کال کي د امریکا په ښوونځیو کي ۱۸مه وسله واله حمله ده چي رامنځته کېږي.