هيواد راډيو تلوېزيون هيواد راډيو تلوېزيون
پخواني ولسمشر حامد کرزي د دونالد ټرمپ لخوا د دوو جنګي جنایات کوونکو بخښل په سختو ټکو غندلي.
د افغانستان پخوانی ولسمشر حامد کرزي د امریکا د متحده ایالاتو د جمهور رئیس ډونالد ټرمپ له خوا د هغو سرتېرو عفوه، چي افغانان یې وژلي او د جنګي جنایاتو مرتکبین دي، په کلکو ټکو غندلي.
حامد کرزي له دفتره په خپره سوې خبر پاڼه کي راغلي چي، د دغو سرتېرو عفوه له ټولو بشري اصولو او موازینو سره په ټکر کي ده او زیاتوي چي د امریکا حکومت په خپلي دغه پرېکړي سره ثابته کړه، چي دوی هيڅ ډول انساني ارزښتونو ته او په خاصه توګه د افغانانو ژوند ته درناوی نه لري.
پخوانی ولسشمر پر ټولو افغانانو ږغ کړي چي د خپلي خپلواکي او ملي حاکمیت د ټینګښت او د بشري حقونو ترلاسه کولو له پاره پر ملي ټغر راټول سي او په اتحاد او اتفاق سره د پردیو د دسیسو او ظلم پر وړاندي ودرېږي.