هيواد راډيو تلوېزيون هيواد راډيو تلوېزيون
د رسنیو د راپورونو له مخي پاکستان په ناوړه اقتصادي وضعیت کي دی او ددغه وضعیت د مدیریت لپاره د پیسو تر نړیوال صندوق وروسته اوس غواړي له نړیوال بانک پور واخلي.
د پاکستان د خزانې وزارت وايي تر دې دمه یې له نړیوال بانک په رسمي توګه د پور غوښتنه نه ده کړې، خو پر همدې موضوع بحثونه روان دي.
نړیوال بانک بیا وار د مخه ویلي پاکستان ته په دې شرط پور ورکوي چي خپل مالیاتي سیستم اصلاح او فساد پکښې ورک کړي.
د پیسو نړیوال صندوق هم وایي تر هغه چي په پاکستان کي مالیاتي نظام اصلاح نه سي دغه هیواد ته پور نه ورکوي.