هيواد راډيو تلوېزيون هيواد راډيو تلوېزيون
د مصر د کورنیو چارو وزارت ویلي، په جیزه او شمالي ښار سینا کي یې د ترهګرو پر درېیو پټن ځایونو بریدونه کړي او ۴۰ کسان یې وژلي.
د مصر دولتي ټلویزیون د کورنیو چارو د وزارت په حواله ویلي، ترهګرو ډلو پلان درلود چي پر دولتي ادارو، د سیلانیانو پر سیمو، امنیتي ځواکونو او کلیساګانو یو لړ بریدونه وکړي.
د مصر د کورنیو چارو وزارت دغه راز ویلي چي پولیسو په دې عملیاتو کي ګڼي وسلې، چاودیدونکي توکي او بم جوړونکي وسایل نیولي دي.
د جمعې په ورځ د مصر اهرامونو ته نیږدې د ویتنامي سیلانیانو پر یوه بس بمي چاودنه وسوه.
په پیښه کي درې ویتنامي سیلانیان او د هغوی مصري لارښود ووژل سول.
یوولس نور ویتنامي سیلانیان او د هغوی مصري موټر چلوونکي په دې چاودنه کي ټپیان سوي وه. تر همدې وروسته مصري پولیسو د وسله والو پر ضد پراخ عملیات پيل کړي.