هيواد راډيو تلوېزيون هيواد راډيو تلوېزيون
د فوټبال په روانو نړیوالو سیالیو کي بلجیم پرون د روسیې په سن پټرزبورګ کي انګلستان ته د صفر په وړاندي په دوو ګولونو له ماته ورکولو سره د دې لوبو درېیم مقام خپل کړ.
دا د بلجیم په تاریخ کي د دې هېواد لپاره تر ټولو لوړ مقام دی چي د فوټبال په سیالیو کي یې ګټي.
بلجمي ټیم د جولای په لسمه نېټه فرانسې ته په سیمي فاینل کي لوبه بایللي وه.
انګلستان بیا د جولای په ۱۱مه نېټه د کرویشیا په وړاندي لوبه بایللي وه.ټاکل سوې ده چي نن یکشنبې به د فرانسې او کرویشیا ټیمونه د مسکو په لوژنیکي لوبغالي کي د ۲۰۱۸ میلادي کال د فوټبال د نړیوالي اتلوالۍ د ګټلو لپاره خپلو کې سیالي کوي.