هيواد راډيو تلوېزيون هيواد راډيو تلوېزيون
د سعودي چارواکي وايي، ممکن ایران ته پوځي جواب ور کړي. په یمن کي د سعودي په مشرۍ عرب ټلوالې ویاند په ریاض کي خبري غونډي ته وویل، په مناسب وخت او ځای کي ایران ته د جواب ور کولو حق لري.
د دوی په خبره، درې توغندۍ ریاض ته توغول سوي چي د دغه ښار څنډو کي یې له شنډولو وروسته یې ټوټو یو کس وژلی دی.
د سعودي په مشرۍ د عرب ټلوالې ویاند د حوثیانو دا برید د ایران د ملاتړ له امله بولي او زیاتوي دې برید ثابته کړه چې تهران لا هم له وسله والو ډلو ملاتړ کوي.
په ورته مهال د ملګرو ملتونو سرمنشي د خبر په خپرولو سره د حوثیانو دا ګام غندي.
انتونیو ګوترېش له ښکېلو اړخونو د زغم غوښتنه کوي او وايي، په یمن کي د جګړې سختېدل کشاله نه اواروي.