د شاتو مهمي ګټي

لیکنه: ایمل مړوند
پوستکی ښایسته کوي
روغتیا پالان وايي، د شاتو خوړلو عادت جوړول، د انسان د بدن زهرجن او مضر مواد لیري کوي. همدرانګه شات داسي مواد هم لري چي د انسان جلد یا پوستکی تازه او ښکلی ساتي.

اضافه وزن کموي
روغتیا پالان وايي، هغوی چي د خپل ډېر وزن څخه ستړي وي، په ورځينو خوړو کي دې شات ورزیات کړي. دوی زیاتوي؛ شات د نورو خوږو غذاو سربیره د انسان د بدن د اضافي وزن په کمولو کې همکاري کوي.

کولیسټرول کموي
روغتیايي څیړنې وايي، شات داسي مواد او ویټامینونه لري چي د انسان د بدن اضافي او مضر کولیسترول ډېریدو ته نه پریږدي.

زړه ښه ساتي
د روغتیايي څیړنو له مخي په شاتو کي د اینټي اکساييډنټس په نوم ماده سته چي د زړه د رنګونو په پاک او خلاصو ساتلو کې لویه مرسته کوي.
دغه څیړنې لاروښونه کوي که هره ورځ د یوه ګیلاس اوبو سره دوې کاچوغي شات ګډ سي او بیا وڅښل سي، د نورو فایدو ترڅنګ د زړه والونو یا رنګونو ته خورا ډېره ګټه لري.

حافظه پیاوړې کوي
د ځينو نورو طبیي څیړنو پر بنسټ په شاتو کي د کیلسیم ماده د انسان دماغو یا عصابو ښه ساتلو ته خورا ګټوره ده.
د څیړنو له مخي په ورځني ژوند کي د شاتو خوړل انساني حافظه پیاوړې کوي او تر څنګ يې د رواني کړاو په کمولو کې هم مرسته کوي.

خوب منظموي
روغتیا پالان باور لري چي په شاتو کي ځني داسي مواد سته چي د انسان د خوب په منظم کولو کي مرسته کوي.
د دوی په وینا؛ شات په وینه کي د انسولین کچه لوړوي، چي له امله يې یو کیمیکل سیرټونین خارجیږي او د میلاټونین په نوم په یو هارمون باندې بدلیږي، چي د ښه او منظم خوب له پاره خورا ګټور دی.

معیده او هضم ښه کوي
روغتیايي څیړني دا هم وايي، چي هره ورځ په خالي معیده له اوبو سره د شاتو څښل د معدې نه مکروبونه لرې کوي چي له امله يې معیده ښه فعالیت کوي.
همدرانګه شات د معدې زخم د ښه کولو په برخه کي هم مرسته کوي او د هضم سیستم هم جوړوي.

ستونی ښه ساتي
روغتیا پالان وايي، شات د ګڼو نورو روغتیايي فایدو تر څنګ داسي مواد هم په ځان کي لري چې په ستوني یا مرۍ کې درد او نورې ستونزې حلوي. پر وینا يې هغوی چي د ستوني له ستونزې کړیږي په نیم ګیلاس اوبو کي دي یوه چای خوري قاشوغه شات واچوي او بیا دې وڅښي ورسره به روغ رمټ سي.

 

x

دا هم وګورئ

روغ ژوند/ د خولې بدبوي هم ناروغي او هم بې نزاکتي

ليکنه : نوراحمد ناصري په لومړي سرکي دا وايم چي د خولې بدبويي داسي يوحالت ...