هيواد راډيو تلوېزيون هيواد راډيو تلوېزيون
د سوریي حکومتي رسنۍ وايي، د دغه هیواد پر یوه هوايي ډګر توغندیز برید سوی دی.
دا رسنۍ وایي، په برید کي مرګ ژوبله اوښتې او د دغه هیواد دافع هوا فعاله سوې ده. د پيښي پوره راپور لا نسته او نه هم دا راپور تایید سوی دی.
سانا خبري اژانس هم وايي، چې پر تیفور هوايي ډګر هم څو توغندۍ غورځیدلي دي. دا برید له هغه وروسته دی چي تيره ورځ د سوریې دوما ښار کي- چي د مخالفانو ولکه کي دی – د کیمیايي برید خبر خپور سو. امریکا د دغه برید مسٔوولیت د سوریې پر حکومت واچاوه.