هيواد راډيو تلوېزيون هيواد راډيو تلوېزيون
افغانستان او زیمبابوې په دي لړۍ کي چي په شارجه کي رواني دي، دوه شل اورېزي او پنځه یو ورځنۍ لوبي کوي.
افغان لوبډلي د دوو شل اورېزو لوبو لومړۍ لوبه، پرون د پنځو ویکټو او ۳۲ بالونو په توپیر وګټله.
په توپ وهنه کې محمدنبي عیسی خېل چي په ۲۷بالونو یې ۴۰ منډي وکړي او په بالنګ کي راشدخان ارمان د تل په شان د درو ویکټو په اخېستو سره ښه وځلېدل.
په دي لوبه کې محمد شهزاد هم له یو کلن بنديز وروسته د لومړي ځل لپاره لوبه وکړه او په ۱۱ بالونو يې شل منډې وکړې- یوه څلورېزه او دوه شپږېزي یې ووهلي.
له زیمبابوې سره دوهمه شل اورېزه لوبه نن سې شنبه ماښام د کابل په اوه نیمو بجو او پنځه یو ورځنۍ لوبي د رواني فبروري میاشتي په نهمه، ۱۱مه، ۱۳مه، ۱۶مه او ۱۹مه نېټه په پام کي دي.
