هيواد راډيو تلوېزيون هيواد راډيو تلوېزيون
دوی په غزني کي روان وضعیت خورا خراب بولي او له حکومت غوښتنه کوي چي ددغه ښار د امنیت او جګړې د ختمولو لپاره جدي ګامونه پورته کړي.
لاریون کوونکي وایي، له غزني وروستي معلومات ښيي، چي دغه ښار د سقوط له جدي خطر سره مخ دی او که حکومت پر وخت اقدام ونه کړي نو ښایي ډېری دولتي ودانۍ د طالبانو لاس ته ولوېږي.
لاریون کوونکي د غزني د ځايي چارواکو محاکمه غواړي او دوی په بې کفایتۍ تورنوي.
د تېرې جمعي شپي له نیمايي پر غزني ښار د وسله والو طالبانو بریدونه پيل سوي دي.
طالبانو د غزني ښار ډېری سیمي نیولي دي او تېره شپه هم له دغه ښار د جګړو راپورونه راغلي دي.
وروستي راپورونه ښيي چې ځانګړو ځواکونو طالبان له ولایت مقام او امنیه قومندانۍ یو کیلومتر پر شا تمبولي او شدید عملیات روان دي.