هيواد راډيو تلوېزيون هيواد راډيو تلوېزيون
د کرهڼي وزارت او د پکتيا د کرهڼي رياست مسئولين وايي چي له هرات وروسته د پکتيا زعفران غوره او ښه درجه لري، چي بايد کښت ته يې پراختيا ورکړل سي.
دوی دا خبري د پکتيا د پنځو ولسواليو بزګرانو ته له شپږ ټنه ډېر د زعفران پيازو او ورسره د اړينو وسايلو د وېش په ترڅ کي وکړې.
په دې غونډه کي د کرهڼي وزارت د کرهڼيزو خدمتونو امیر وويل، چي له تيرو شاوخوا شپږو کلونو راهيسي په پکتيا کي د زعفرانو وېش او کښت کيږي او د ترلاسه سوو پايلو پر اساس د دغه ولايت زعفران له هرات وروسته د هيواد غوره زعفران دي.
دغه راز د پکتيا د کرهڼي رئيس وايي چي سږ کال په پکتيا کي د دوه ميليونه افغانيو په لګښت ښځو او سړيو ته د ۶۲ زره کيلو د زعفرانو پياز وېشل کيږي.
هغه وايي چي د دغو زعفرانو شاوخوا درې زره او پنځه سوه کيلو يې په پکتيا کي توليد سوي او پاته يې له هرات او کابل څخه رالېږدول سوي دي.