هيواد راډيو تلوېزيون هيواد راډيو تلوېزيون
د دې ولایت د کرهڼي او مالدارۍ ریاست د پلان او همږغۍ د پروګرامونو مسئول وایي، چي سږکال به په هلمند کي نژدې ۹۰ زره مټریک ټنه انګور تولید سي.
دی وايي، د هلمند انګور د کیفیت له پلوه ښه دي او پر هلمند سربېره د هيواد په يو شمېر نورو ولایتونو کي هم ښه بازار لري.
د نوموړي د معلوماتو له مخي په هلمند کي په څه باندې شپږ زره هکټاره مځکو کي د انګورو باغونه دي، چي له هر هکټار مځکي څخه ۱۶ مټریک ټنه انګور راټوليږي.
د هغه په وینا، په هلمند کي د باغونو د ودي او پراختیا له پاره باغوانانو ته روزنیز پروګرامونه نیول کيږي او دا شان ورته د اړتیا وړ امکانات هم ورکول کيږي.