هيواد راډيو تلوېزيون هيواد راډيو تلوېزيون
د کاپیسا ولایت د کرهڼي رئیس وايي چي د دغه ولایت د غنمو، ګیلاسو او شفتالو حاصلات د تېرکال په پرتله زیات سوي دي.
همایون حبیب که څه هم د دغه زیاتوالي سلنه مشخصه نه کړه، خو د لامل په اړه یې و ویل چي سم مديریت او پرله پسې اورښتونه یې عمده لاملونه دي.
نوموړي وویل چي په دغه ولایت کي د زعفرانو د کر له پاره هم په کروندګرو د زعفرانو پیاز وېشل سوي دي.
د حبیب په خبره د زعفرانو کر د دغه ولایت د کروندګرو په اقتصاد کي د پام وړ مثبت رول لوبولی دئ.