هيواد راډيو تلوېزيون هيواد راډيو تلوېزيون
د موزمبیق دولتي چارواکو ویلي چي تر سمندري توفان وروسته خونړیو سیلابونو څه باندي ۴٠٠ کسان وژلي دي.
دغه سمندري توفان چي د ١٧٠ کیلومترو په سرعت له سختو بادونو سره مل و، تیره اونۍ د بیره بندري ښار وځاپه او په میلیونونو کسان یې له سخت گواښ سره مخ کړل.
د ژغورني عملي د کړکیچن وضعیت او سختو سیلابونو له امله په خپل کار کي پاته راغلي دي.
خو د موزمبیق د ځمکي او چاپیریال چارو وزیر د وضعیت د یو څه ښه کیدو خبر ورکړی او ویلي یې دي چي اوس د مرستو رسوني چاري ښې سوې دي. دده په خبره وضعیت په ښه کیدو دی، خو د وژل سوو شمیر مخ په زیاتیدو دی. دده په وینا تر اوسه ۴۱۷ کسان وژل سوي دي.