یوه ښځه او مېړه چي غوښتل یې شپږ کیلو ګرامه نشه يي مواد د هرات ولایت له هوايي ډګر څخه هند ته قاچاق کړي، د پولیسو له لوري نیول سوي

د هرات هوايي ډګر د سرحدي پولیسو قوماندان محمد ناصر نیکنام خبریالانو ته وویل، چي دې ښځي او مېړه یې نشه يي مواد په خپلو سفري بکسونو او خېټو کي ځای پر ځای کړي وو.

د یادوني وړ ده چي له درېیو میاشتو راهيسې د یوې ښځې په ګډون ۳۲ کسان د هرات له هوايي ډګر څخه د نشه يي موادو د قاچاق په تور نیول سوي او تر ۳۰ کیلو ګرامو ډېر هیروئین هم ورسره نیول سوي دي.