هيواد راډيو تلوېزيون هيواد راډيو تلوېزيون
راپور: محمد یار مجروح
د یادی ورځي د لمانځني پر مهال یو شمیر دیني عالمانو وویل چي که د اسلام د ستر پیغمبر تګلاره عملي کړو روانو ستونزو ته به مو د پای ټکي اېښي وي.
بلخوا د کندهار ولایتي مسوولین وايي، د میلاد نبي د ورځي په مناسب ولسمشر غني فرمان صادر کړي چي په خبره يې د زیات شمیر محبسینو د بند په موده کي به کموالی راسي.
د کندهار ولایتي اداره وايي، ولسمشر غني د میلادي نبي د ورځي په مناسب فرمان صادر کړی چي په کندهار محبس کي به د زیات شمیر محبسینو د بند په موده کي کموالی راسي.
د کندهار سرپرست والي عبدالحنان منیب د میلادي نبي د ورځي په لمانځغونډه کي وویل چي یوازنی دین اسلام دي چي د بشر ټول حقونه يې روښانه کړي او موږ ته پکار ده چي د اسلام د ستر پيغمبر لارښووني په سم ډول عملي کړو او روانو ستونزو ته د پای ټکی کښېږدو.
هغه دا هم وویل چي د اسلام د ستر پيغمبر د سیرت اړوند به سیمنارونه اوسیالۍ هم جوړي کړي.
د میلادي نبي د لمانځني پر مهال یوشمیر دیني علماوو د روانو ستونزو یوازني لاره د اسلام د ستر پیغبر د لارښوونو په سم ډول عملي کول وبلل.
دینی عالمانو وویل چي ددنیا او اخرت کامیابي یوازي د د ستر پيشوا په لار ښوونو کي ده چي مسلمانان يې باید په سم ډول عملي کړي.
داسلام ستر پيغبر له نن څخه شاخوا ۱۴۵۰ کلونه مخکي په ۵۷۱ م کال دې نړۍ تشریف راوړ او په ۶۲۳ کال يې د ځمکي پر مخ دداسي واکمنۍ بنسټ کښېښود چي شاوخوا ۱۳۰۰ کلونه يې دوام وکړ.