هيواد راډيو تلوېزيون هيواد راډيو تلوېزيون
راپور: سید حمید هاشمي
په دغه کتابتون کي شاو خوا شپږ زره بېلابېل کتابونه د مطالعي لپاره ايښودل سوي دي.
یاد کتابتون او څېړنيز مرکز د ملي سوداګر حکمت الله ښادمن په شخصي لګښت جوړ سوی.
د اسرا کتابتون او څېړنيز مرکز مشر جانان مومن وايي، د ځوانانو لپاره د مطالعې د فرهنګ د عامولو او ذهني پراختيا په موخه يې دغه علمي مرکز پرانستی دی .
د ده په خبره، دغه کتابونه شاوخوا شپږ زره بېلابېل کتابونه لري، چي ترڅنګ يې ځوانانو ته د انلاين انټرنيټ له لاري هم د مطالعي زمینه برابره سوي ده.
د کندهار د کندهار د اطلاعاتو کلتور ریٔس فضل باري بریالی وايي، دوی په کندهار کي ۳۵ کتابتونونه سته ولي ځوانان د مطالعي لپاره علاقه نلري.
هغه وايي، د مطالعي د عامولو لپاره ځیني پروګرامونه تر لاسه لاندي لري.
فرهنګي شخصیتونه او لیکوالان هم مطالعه د انسان د فکري ودي تر ټولو ښه وسیله بولي.
د کندهار په عینو میني ښارګوټي په ښادمن علمی خزانه کي د اسرا په نوم دغه کتابتون او څېړنيز مرکز د ملي سوداګر حکمت ښادمن په شخصي لګښت جوړ سوی دی.
ښادمن علمي خزانه اوس مهال د وړکتون، ښوونځۍ پوهنتون، د عصري زده کړو مرکز، او نوري ښوونیزي برخي لري.