هيواد راډيو تلوېزيون هيواد راډيو تلوېزيون
د ملي دفاع وزارت پرون یکشنبې وویل، چي د ارزګان ولایت په خاص ارزګان ولسوالۍ کي د هوایي بریدونو په پایله کې لږ تر لږه ۱۵ تنه وسله وال وژل سوي.
د ملي دفاع وزارت له خوا په خپره سوې خبرپاڼه کي راغلي دي، چي په دغه هوایي بریدونو کي لږ تر لږه ۱۶ تنه وسله وال ټپیان سوي هم دي او د هغوي درې موټرونه، دوه عرادې موټرسایکلونه او یو شمېر وسلي هم لمنځه تللي دي.
په همدي حال کي د ملي دفاع وزات وایي، د ورته هوایي بریدونو په ترڅ کي لږ تر لږه ۷ تنه وسله وال د ګرمسیر، ګرشک، او ناد علي ولسوالیو په مربوطاتو کې وژل سوي دي.
د خبرپاڼې پر اساس، په دغو هوایي بریدونو کي ۶ تنه وسله وال ټپيان هم سوي او د هغوي ۲ قرارګاوي او ۲ موټرونه هم لمنځه تللي دي.
وسله والو طالبانو تر اوسه په دي اړه څه نه دي ویلي.