هيواد راډيو تلوېزيون هيواد راډيو تلوېزيون
ددې نندارتون د پرانیستني په مراسمو کي د هرات والي، پانګوالو او ګڼ شمېر سوداګرو ګډون کړی و.
په دغه نندارتون کي تر ډېره کورني تولیدات په تېره بیا خپله د هرات غذایي محصولات او له بهر څخه وارد سوي نور اړین توکي په اویا غرفو کې نندارې ته اېښودل سوي دي.
د هرات د ځوانو سوداګرو د اتحادیې مشر زبیر رحیمي وایي، له دې نندارتون څخه یې موخه د کورنیو محصولاتو معرفي، ملاتړ او بازار موندنه ده.
د هرات والي محمد اصف رحیمي هم د دې اتحادیې ددغه ګام ستاینه وکړه او په راتلونکې کي یې د دې ډول نورو نندارتونونوو د پرانیستو غوښتنه کړې ده.
هرات د افغانستان په لوېدیځ کي پروت ترانزیټي ولایت دی، چي ځوانان یې له سوداګرۍ سره خورا مینه لري.
د یادولو وړ ده چي نن د دې نندارتون درېیمه ورځ ده او تر سبا پورې به پرانیستی وي.
تر اوسه پوري زرګونه کورنیو او بهرنیو وګړو له دې نندارتون څخه لیدنه کړې ده.