هيواد راډيو تلوېزيون هيواد راډيو تلوېزيون
په سوریه کي د رژیم د مخالفو وسله والو په تر واکمنۍ لاندي سیمه کي په وروستۍ هوايي حمله کي چي شک کېږي چي روسي ځواکونو کړې، د وژل سویو کسانو شمېر ۵۱ ته لوړ سوی دی.
په سوریه کي د بشري حقونو د څارني یوه خپلواکه ډله چي له لندنه فعالیت کوي، وايي چي دا هوايي حمله د جون میاشتي پر اوومه نېټه، د سوریې په ادلب ښار کي سوي چي نهه تنه ماشومان هم په کې وژل سوي دي.
د دې ادارې مشر، رامي عبدالرحمان ویلي، جنګي الوتکو چي غالباً د روسیې وي، د شپې له خوا، د ادلب په شمالي کي د زردانا په سمیه کي حملي کړې دي.
د روسیې د دفاع وزارت دا خبرې رد کړې او د روسیې د دولتي خبري اژانس، تاس په حواله، ویلي يې دي چي له حقیقت سره هېڅ اړخ نه لګوي.