هيواد راډيو تلوېزيون هيواد راډيو تلوېزيون
د امریکا د بهرنیو چارو وزیر مایک پمپیو وایي د ایران د میزایلو د پروگرام د مخنیوي په خاطر باید پر تهران سخت نړیوال بندیزونه ولگول سي.
د امریکا د بهرنیو چارو وزیر مایک پمپیو دغه څرگندوني د ایران د نوې سپوږمکۍ لېږدونکي راکټ د ازمایلو په غبرگون کي کړي دي.
پمپیو زیاته کړه چي ایران د خپلو میزایلو د قوت په زیاتولو سره د ملگرو ملتونو د امنیت شورا د پریکړو نه سرغړونه کوي.
له بلې خوا د ایران ولسمشر ایت الله خامنه یي وویل چي ایرانیان به تر هغه مرگ په امریکا نعرو ته دوام ورکړي چي واشنگټن د ایران پر ضد له دښمنۍ ډکي پالیسۍ نه وي بندي کړي.
امریکا وایي ایران د ترهگرۍ ستر ملاتړی هېواد دی او په منځني ختیځ کي د بې ثباتۍ لامل دی.
د ایران د میزایلو په ازمایلو باندي لویدیځو هېوادونو نیوکي کړي او په وار وار یې له تهران نه غوښتي چي دغه ډول ازمویني ودروي.