هيواد راډيو تلوېزيون هيواد راډيو تلوېزيون
راپور: خدیجه اشرفي
په غزني کي امنیتي ځواکونو ښارته څیرمه د علي لالا سیمه کي له یوه هستوګنیز کور څخه د وسلو یوه زیرمه کشف او پکښي یې ګڼ شمیر وسلي او پوځي مهمات ترلاسه کړل.
د غزني ولایت امنیه قومندان مل پاسوال غلام داوود تره خیل، د کشف سوي زیرمي په ځای کي خبریالانو سره خبرو کي وویل، چي د وسلو دغه زیرمه یې د اپراتیفو معلوماتو پر بنسټ کشف او پکښي یې نهه میله کلاشینکوفونه، پنځه میله تمانچي، یو میل بم افګن او یوه اندازه مرمۍ د امنیتي ځواکونو لاسته ورغلي دي.
د هغه په وینا نیول سوي وسلي ایرانۍ دي.
دغه راز د غزنی امنیه قومندان په دې ولایت کي د افغان ځواکونو لخوا د پیل سویو چاڼیزو عملیاتو له پرمختګ څخه خبر ورکوي او وایي چي ګڼي سیمي یې د وسله والو له شتونه تصفیه کړي دي.
د یادوني وړ ده چي دا لومړی ځل دی چي په غزني کي امنیتي ځواکونه ایرانۍ وسلي ترلاسه کوي، چي په تروریستي فعالیتونو کي تري کار اخیستل کیږي.