هيواد راډيو تلوېزيون هيواد راډيو تلوېزيون
د رپوټونو پر اساس، د افغانستان په ولسي جرګه کي د روزګان د خلکو پخوانی وکیل عبیدالله بارکزی به نن یکشنبه خاورو ته وسپارل سي.
د افغانستان ولسمشر محمد اشرف غني پرون ماښام پر هغه وسله واله حمله وغندله.
غني په کابل کي یوې غونډې ته وویل:
“د بارکزي صاحب جنازه به په ځانګړو مراسمو خاورو ته وسپارل سي، د هغه کورنۍ او د افغانستان سیاسي کورنۍ، مخصوصاً ملي شورا ته تسلیت وایو.”
عبیدالله بارکزی پرون د کندهار ښار په شپږمه ناحیه کي نا څرګندو وسله والو وویشت.
پر هغه د حملې مسئؤلیت لا چا نه دی اخیستی.
د کندهار د والي ویاند وویل چې حمله کوونکي تښتېدلي او د پېښې په اړه څېړنې کوي.
په پاکستان کي د طالبانو د مخکني رژیم سفیر عبدالسلام ضعیف پر ټوېټر لیکلي چي بارکزی د سولي لپاره زورور ږغ و او وژل کېدل به يې د سولي لپاره پر روانو هڅو ناوړه اغیز وکړي.