هيواد راډيو تلوېزيون هيواد راډيو تلوېزيون
د روسيې ولسمشر ولاديمير پوتين د وسلو د يوې نوې سيالۍ د پيل خبرداري ورکړ او پر متحدو ايالاتو يې تور ولګاوه چي د سړې جګړې د وخت له يوه مهم تړون څخه د تلو هڅه کوي.
ښاغلي پوتين په ساحلي ښار سوچي کي د يوه تحقيقاتي مرکز په غونډه کي چي د افغانستان پخواني ولسمشر حامد کرزي هم ګډون پهکښې کړي و، د څرګندونو پر مهال وويل، که متحدايالات د منځني او لنډ واټن ويشتونکو توغنديو د مخنيوي له تړون څخه ووځي، نو روسيه به هم سمدستي او متناسب غبرګون وښيي.
ولسمشر پوتين په روسيه کي د امريکايي رسنيو د فعاليت په اړه هم شک څرګند کړ. له دې مخکي د ار ټي ټلويزيون او سپوتنيک په ګډون ځينو روسي رسنيو ويلي و چي په متحدايالاتو کي د دوي څانګو ته ويل شوي دي چي د يوه نوي قانون له مخې بايد راجسټر شي خو د امريکا د عدليې وزارت دا خبره نهده تائيد کړې.