هيواد راډيو تلوېزيون هيواد راډيو تلوېزيون
راپور: سید حمید هاشمي
د کندهار ښاروالۍ تیره ورځ د ښار د نهمي ناحیې د لويي ویالي پر دواړه غاړو د سولر بریښنايي د پایو د نصب پروژه پیل کړه.
کندهار والي زلمي ویسا وویل، چي پر دې پروژه ۹۷ زره اډالر لګښت راځي چي د نړیوال بانک لخوا ورکول کیږي.
نوموړی وايي، ددې پروژې په مرسته به په یاده سیمه کي د سولر بریښنا سیستم فعاله سي او دغه سیمه به د شپي له خوا له روښنايي برخمنه سي.
بلخوا د ښار په څلورمه ناحیه کي تیمورشاهي پارک د خلکو پر مخ پرانستل سوه.
د کندهار سرپرست ښاروال محمد نسیم رضايي وايي، چي پر دغه پارک ۷۳ زره ډالره مصرف سوي او په نهو میاشتو کي يي کارونه پای ته روسیده.
پر همدې مهال د کندهار د ولایتي شورا ریٔس سید جان خاکریزوال وايي، هر پروژه باید په ښه کیفیت پیل سي تر څو ګټه يې دایمي خلکو ته ورسږي.
هغه وویل، دوی د ټولو پروژو نظارت کوي او هر پروژه چي کیفیت يې ښه نه وي دوی يې مخه نیسي.
کندهار ښاروالي چارواکي وايي، هڅه کوي تر څو د ښار ټولو برخو ته متوازن انکشاف له لاري خپل خدمات ورسوي خو دوی له خلکو غواړي چي د ښار په پاک ساتلو کي له ښاروالۍ سره همکاري وکړي.