هيواد راډيو تلوېزيون هيواد راډيو تلوېزيون
راپور: محمد یار مجروح
د کندهار امنیه قومندانۍ د جنايي جرمونو په وړاندي د مبارزې مدیر سمونوال ولي محمد عسکر وايي، د کندهار پورلیسو د غلو دوې ډلي یې نیولي چي په ښار کي یې موټران غلا کول او بیا یې په نورو ولایتونو کي خرڅول.
دی وایي، د یوې ډلي غلو سره یوه ښځه هم ورسره ده چي هغه به د نورو کسانو موټرونو ته د نامشروع کړنو په پلمه پورته کېدل او وروسته به یې نورو ملګرو د پولیسو د نوم څخه په استفاده موټران او پیسې له خکو څخه اخیستلې.
سمونوال ولي محمد عسکر زیاتوي چي د غلو بله څلور کسیزه ډله یې هم نیولې چی د ښار پر واټونو به یې موټرونو غلا کول چي ټول یې لس تنه دي.
هغه وايي، د دغه موټرونو غله د یوې میاشتي کشفي معلوماتو او د خلکو له همکارۍ ورسته نیول سوي دي.
له یادو غلو څخه نیول سوي موټرونه د امنیې قوماندانۍ له خوا خپلو مالکینو ته وسپارل سوه او هغوی هم د پولیسو څخه مننه وکړه.
په کندهار کي که څه هم په دې وروستیو کي لويي غلاوي کمي سوي خو له ډيره وخته وروسته د غلو یادي ډلي نیول کیږي او د موټرونو په غلا کي د یوې ښځي نیول کیدل هم نوې پېښه ده.