هيواد راډيو تلوېزيون هيواد راډيو تلوېزيون
کندهار د هېواد له ګرمسېرو ولایتونو دی چي ښوونیز کال په کي د راتلونکي وږي میاشتي په لومړۍ نېټه پیلېږي.
په دغه ولایت کي له کلونو راهیسي د نا امنیو او بېلابېلو نورو ستونزو له امله ۱۵۳ ښوونځي تړل سوي وو چي ۵۰ یې په تېر ښوونیز کال کي پرانیستل سول او ۱۲۳ لا هم تړلي پاته دي.
د کندهار د پوهنې رییس عبدالقادر پیوستون وايي، دوی چمتو دي چي پاته بند ښوونځۍ هم په نوي ښوونیز کال کي پرانیزي خو د پوهني وزارت باید د ښوونکو د تشکیل او نورو خدماتو په برخو کي ورسره مرسته وکړي.
دی وايي، د ټولو بندو ښوونځیو د بیا پرانیستل کیدو په اړه یې د پوهني له وزارت سره خبرې رواني دي او هڅه کوي دلته ټول بند ښوونځي پرانیستل سي.
د نوموړي په وینا، له همدې امله په دې ولایت کي زرګونه ماشومان له زده کړو بې برخې پاتې سوي دي.