هيواد راډيو تلوېزيون هيواد راډيو تلوېزيون
راپور: مهتمم صالح
د کندهار د جينايي جرمنو په وړاندي د مبارزې مدير وايي، په تېره اوونۍ کي د غلا اووه قضيې ثبت سوي، چي ځيني يې د انسان تښتوني دي.
د کندهار د جينايي جرمنو په وړاندي د مبارزې مدير ولي محمد عسکر وايي، په تېره اوونۍ کي د غلا اووه قضيې ثبت سوي دي، چي ځيني يې د انسان تښوتوني دي.
دی وايي، درې تنه يې د کندهار ولايت په نهمه ناحيه کي د يوه کوچني د غلا په تور نيولي دي.
عسکر وايي، دغو کسانو ياد کوچنی د ښوونځی څخه کورته د بېولو په بهانه تښتولی و، چي روغ رمټ يې د تښتونکو له د منګلو څخه خلاص کړی او خپلي کورنۍ ته يې وسپاری.
نیول سوو کسانو هم پر خپل جرم اعتراف کړی دی او وايي، چي دوی د کوچنی د پلار څخه د ۱۴ لکه افغانيوغوښتنه کړې وه، خو د پيسو د تر لاسه کولو مخکي د پولیسو له خوا ونیول سوه.
د تښتول سوي کوچني پلار وايي، په دغه دریو کسانو کي يوه يې د ده سره په درملتون کي کار کاوه.
دی د پوليسو څخه مننه کوي او وايي، چي د عاجلو پېښو پر مهال دي خلک پر وخت پوليسو ته خبر ورکړي.
دغه انسان تښتونکي پر داسي مهال نيول کيږي، چي دوې ورځي مخکي هم په دغه ولايت کي خلکو د موټر سېکلانو او مبايلانو د غلاوو د ډېرېدو څخه شکايت کړی وو.