هيواد راډيو تلوېزيون هيواد راډيو تلوېزيون
دغه بريدونه په شش درک سيمه کي د ملي امنيت له يوه رياست سره نږدې رامنځته سوي دي.
امنيتي چارواکي وايي، چي لومړی ځانمرګی بريد نن سهار شاوخوا اته بجې د موټرسايکل بم په وسيله وسو او دويم بريد څو دقيقې وروسته په همدې سيمه کي هغه مهال رامنځته سو چې خلک د لومړۍ چاودني د وژل سوو کسانو او ټپيانو په لېږدولو بوخت وه.
د عامې روغتيا وزارت وايي، چي تر اوسه له دواړو پېښو د کابل ښار روغتونونو ته ۲۹ وژل سوي او ۴۵ ټپيان ور وړل سوي دي، بلخوا په یاده پیشه کي ۹ تنه خبریالان وژل سوي او ۶ تنه نور بیا ټپیان دي.
د کابل د امنیه قوماندانۍ ویاند وايي، چې دوهم ځانمرګي د خبریالانو له لباسه په کار اخیستني چې ویډیو کمره هم ورسره وه د خبریالانو او مرسته کوونکو ډلې په منځ کې ځانته چاودنه ورکړې ده.
د رسنیو د ملاتړ بنسټونه وايي، چي د دغه پيښي عاملین دي ونیول سي او نړیوالي محکمې ته دي وسپارل سي.
د پېښو مسؤلیت داعش وسله والې ډلې پر غاړه اخېستی.