هيواد راډيو تلوېزيون هيواد راډيو تلوېزيون
د افغانستان د لوړو زدهکړو وزارت تائید کړې، چي د کابل پوهنتون دوه استادان د ملي امنیت له خوا نیول سوي.
د لوړو زده کړو د وزارت ویاند فیصل امین پرون شپه رسنیو ته وویل، چي دواړه استادان د پوهنتون څخه بهر نیول سوي دي.
ده وویل، چي یوازي همدومره تائیدولی
سو او خبر یو چي د ملي امنیت عمومي ریاست د کابل پوهنتون د شرعیاتو د پوهنځي دوه استادان
له پوهنتونه دباندي نیولي دي.
د افغانستان د لوړو زده کړو وزارت پردې دوو استادانو د لګېدلو تورونو په اړه جزئیات ور نه کړل او نومونه یې هم یاد نه کړل.
خو په افغانستان کي یو شمېر رسنیو راپور ورکړی، چي د مولوي معروف راسخ او عبدالظاهر داعي په نومونو د کابل پوهنتون دوه استادان په شرعیاتو پوهنځي د افراطیت د ترویج په تور نیول سوي دي.
د افغانستان د ملي امنیت ریاست هم تر اوسه پر دې دوو تنو د لګېدلو تورونو په اړه جزئیات نه دي څرګند کړي.