هيواد راډيو تلوېزيون هيواد راډيو تلوېزيون
د پاکستان له بېلابېلو برخو څخه د حکومت خلاف د جمعیت علمای اسلام ګوند په مشرۍ مظاهرې پیل سوې دي.
د مولانا فضل الرحمن ګوند تور پوري کوي چي د عمران خان حکومت په درغليو اقتدار ته رسېدلی نو ځکه بايد ختم سي.
د جمعیت علمای اسلام د ګوند مرستیال مولانا فضل علي حقاني پرون په مظاهره کي وویل، “صدراعظم به استعفا ورکوي، انتخابات دي وسي، انتخابات دي د پوځ په لاس کي نه وي، ځکه کوم انتخابات چي پوځ کوي، هغه یوازي د پوځ په ګټه وي”.
خو حکومت دا تور بې بنياده بولي.
له بلوچستانه هم د دې ګوند غړي روان سوي، خو وايي چي حکومت ورته ستونزي جوړوي.
په پاکستان کي د اپوزيشن نورو ګوندونو چي عوامي نېشنل ګوند، پاکستان پیپلز پارټي او مسلم لیګ هم پکښي شامل دي، پرېکړه کړې ده چي د حکومت ضد مظاهرو کي به د مولانا فضل رحمان ملاتړ کوي.