هيواد راډيو تلوېزيون هيواد راډيو تلوېزيون
د هند موسمي ورښتونه په جون کې پیل سوي، خو په تېرو ۲۴ ساعتونو کي یې په کېرالا کي ګڼو کسانو ته مرګ ژوبله اړولې ده. ژغورن ډلي د خلکو په ژغورلو بوختي دي او څه ناڅه دوه لکه بې کوره کسان یي په کمپونو کې مېشت کړي دي.
د هند لومړي وزیر نرېندرا مودي ورښت ځپلي سيمي ته رسېدلی.
د کېرالا حکومت ویلي په وژل سوو کي هغه کسان هم شامل دي چي د ځمکي ښوېدني له امله په ورانيو کي ګير پاته سول. لا هم د ورښت اټکل کېږي او د خطر زنګ هم پر ځای دی.
چورلکي او سلګونه پوځيان هم په سېلابونو کي د ګیر پاته کسانو د ژغورني په موخه سیمي ته استول سوي دي.
د فرانسې خبري اژانس وايي، څه باندې ۳۰۰ کوچنۍ کښتۍ هم د ژغورني په یادو عملیاتو کي بوختې دي.
حکومت له خلکو غوښتي چي د تخليې خبرداري دې بابېزه نه ګڼي.