هيواد راډيو تلوېزيون هيواد راډيو تلوېزيون
د نړیوالي اټومي انرژۍ د ادارې د ۳۵ غړو هيوادونو د غونډي غوښتنه امریکا کړې ده.
په پام کي ده دا بیړنۍ غونډه په ویانا کي وسي.
تردې څو ورځي دمخه تهران د ۲۰۱۵م کال د اټومي موافقې څخه د دوهم ځل سرغړوني اعلان وکړ.
ایران وايي چي دوی په لوی لاس د دې موافقې مواد مات کړي او دا کار یې له دغه تړونه د امریکا د وتلو او پر ایران د ولسمشر ډونالډ ټرمپ له خوا د تازه بندیزونو په ځواب کي کړي دي.
ایران اوس مهال تر هغه اندازې ډېر یورانیم بډایه کوي چي مخکي موافقه ورباندي سوې وه.
تهران وایي، غواړي د ۲۰۱۵م کال د اټومي تړون لاسلیک کوونکي اروپایي هيوادونه وهڅوي، چي د ایران د اقتصاد سره چي د بندیزونو له کبله کمزوری سوی، مرسته وکړي، که نه نو دا تړون به چي د څو کلونو خبرو په نتیجه کي ترلاسه سوی له منځه ولاړ سي، خو د امریکا متحده ایالات بیا پر خپلو اروپایي متحدانو ټینګار کوي، چي پر ایران فشارونه سخت کړي.