هيواد راډيو تلوېزيون هيواد راډيو تلوېزيون
د غور ولایت په شهرک ولسوالۍ کي د افغان امنیتي ځواکونو او طالبانو تر منځ نښتو کي د دې ولسوالۍ امنیه قوماندان ضیا الدین خوشنود ووژل سو.
د شهرک ولسوال محمد کبیري وویل چي دا نښتي پرون چهارشنبه داسي مهال رامنځته سوې چي افغان امنیتي ځواکونو د دې ولسوالۍ د بیړنیو حالاتو ادارې سره د مرسته سوېو غنمو د کاروان ملتیا کوله.
د ښاغلي کبیري په خبره دا پېښه د کراب لیلا په سیمه کي سوې ده او طالبان د ده په وینا توانیدلي د غنمو ډک ۱۴ موټره له ځانه سره یوسي.
په دې اړه ډېر جزئیات نه دي ورکړل سوي.
وسله والو طالبانو تر دې دمه څه نه دي ویلي.