هيواد راډيو تلوېزيون هيواد راډيو تلوېزيون
د طالبانو مشر ملا هبت الله د لوى اختر په مناسبت په خپل پيغام کي له خپلو کسانو غوښتي چي د اختر په ورځو کي د خلګو خونديتوب ته پاملرنه وکړي.
د طالبانو د يوه وياند ذبيح الله مجاهد له خوا د دې ډلي د مشر ملا هبت الله اخوند د اختر پيغام رسنيو ته استول سوى دئ.
ملا هبت الله په دغه پيغام کي خپلو کسانو ته سپارښتنه کړې، چي د اختر په ورځو کي د ولس هوسايني او خونديتوب ته پاملرنه وکړي او د هيوادوالو د خوښۍ او ارامۍ له پاره ټول لازم اقدامات وکړي.
هغه ادعا کړې چي دوى په نظامي او سياسي ډګرونو کي لاسته راوړني درلودې او د برياليتوب پر لور روان دي.
د افغانستان د ولسمشرۍ ماڼۍ بیا د لوی اختر په مناسبت د طالبانو د مشر ملا هبت الله اخند هغه پیغام رد کړی او ویلي يې دي، چي افغانان هيڅ اړتیا نه لري، چي د طالبانو پیغام ته غوږ سي.
د ولسمشرۍ ماڼۍ ویاند صدیق صدیقي وايي، طالبان د ویجاړیو او ملکي وژنو اصلي عاملین دي او د دوی دا ډول پیغامونه افغانان نه سي غولولای.
طالبانو په دې هکله تر دم ګړیه څه ندي ویلي.