هيواد راډيو تلوېزيون هيواد راډيو تلوېزيون
راپور: محمد یار مجروح
په کندهار ښار کي له تیرو دوو ورځو راهیسي هوا ککړه سوې ده.
د روغتیا مسوولین وايي، ګرمه او ککړه هوا د تنفوسي ناروغیو لاملونه دي چي د افغانستان په ګڼ شمیر ولایتونو کي يې تنفوسي ناروغۍ ډیري کړي دي.
د کندهار د عامي روغتیا مرستیال ډاکټر موسی جان سلطاني وايي، په ګرمه او ککړه هواه کي خلګ باید بې ضرورته تګ راتګ ونi کړي او د ګرځیدا پر مهال باید خپله پزه او خوله پټ وساتي.
د روغتیا د مرستیال په خبره په کندهار کي د ابو د کمښت له امله هوا ککړه سوې او د تنفوسي ناروغۍ د ډیریدو ویره ورسره تړلې ده.
دده په خبره د اوبو او شنو ساحو کمښت د بیلابیلو ناروغیو د ډیرو لامل ګرځي.
د کندهار د روغتیا مسوولین وايي، د هوا د ککړتیا سره دوي په ښار او ولسوالیو کي د تنفوسي ناروغیو د مخنیوي لپاره بشپړ چمتووالي نیولي، او ټولو روغتیايي مرکزونو ته يې پوره درمل لیږلي دي.