هيواد راډيو تلوېزيون هيواد راډيو تلوېزيون
د ترکیې ولسمشر
پر روسیې تور
لګولی دئ، چي د سوریې د حکومت د ملاتړ له پاره خلګ وژني.
رجب طیب اردوغان دا خبره د خپل هيواد د پارلمان غونډي ته وکړه او خبرداری ئې ورکړ، که چيري په سوریه کي پر ترکي پوځيانو برید وسي، ترکیه به په هر ځای کي د سوریې پر
حکومتي سرتېرو حملې وکړي.
په سوچي کي په ۲۰۱۸ کال کي د سوریې، ترکیې او روسیې له لوري د اوربند تړون لاسلیک سوی وو.
د ترکیې ولسمشر په داسي وخت کي دا خبرې کړي دي چي سوریې ته د ترکیې نور ځواکونه رسېدلي دي.
روسیې د ترکیې په ځواب کي ترکان تورن کړي دي چي د سوریې په شمال لوېدیځ ښار ادلیب کي ئې د ترهګرو پر ځپلو سترګي پټي کړي دي.
ترکیې په وروستیو څو ورځو کي په ادلیب کي خپل سنګرونه پیاوړي کړي دي او هلته ئې نور تجهیزات او پوځیان استولي دي.