هيواد راډيو تلوېزيون هيواد راډيو تلوېزيون
د سولي او پیوستون لپاره د افغانستان او پاکستان د عمل پلان د ارزوني لومړنۍ غونډه نن په اسلام اباد کي وسوه.
پاکستان هغه ځای دئ چي د کابل په باور په وار وار هلته د افغانستان په خاوره کي د بریدونو طرحي جوړي سوي، د دوشنبې په ورځ د سولي او پیوستون له پاره د افغانستان او پاکستان د عمل پلان د ارزولو د لومړنۍ غونډي کوربه وو.
د پاکستان د بهرنیو چارو د وزارت ویاند پر خپله ټويټرپاڼه لیکلي، چي د افغانستان د بهرنیو چارو وزارت سیاسي مرستیال په مشرۍ پلاوي له خپل پاکستاني سیال سهېل محمود په مشرۍ پلاوي سره ولیدل.
د افغانستان د بهرنیو چارو وزارت د یوې خبرپاڼي په خپرولو سره ویلي، چي د دواړو هيوادونو د اړیکو ښه والی د محمود د خبرو اساسي برخي وې.