هيواد راډيو تلوېزيون هيواد راډيو تلوېزيون
یو لوړ پوړي افغان امنیتي چارواکی وايي، په وروستیو کي یې په ټول افغانستان کي پر وسله والو درانه ګوزارونه کړي او دوی یې ځپلي دي.
دا خبره د افغانستان د کورنیو چارو وزارت مرستیال جنرال خوشال سعادت په هلمند کي خبریالانو ته وکړه.
د خوشال سعادت په شمول یو لوړ پوړي امنیتي پلاوی پرون ناوخته د هلمند مرکز لښکرګاه ته تللی وو، چي د افغانستان د ناټو عمومي قوماندان جنرال سکاټ ميلر، د افغانستان د دفاع وزارت او د ملي امنیت شورا مرستیالان هم پکښي شامل وه.
د کورنیو چارو د وزارت مرستیال خوشال سعادت لښکرګاه کي رسنیو ته وویل، هلمند ته یې د سفر هدف د افغان ځواکونو د وړتیاوو او هغو عملیاتو د مؤثریت ارزول دي، چي په وروستیو کي د هلمند په شمول ټول افغانستان کي سوي.
د کورنیو چارو د وزارت مرستیال وسله والو ته د درنو ګوزارونو خبره په داسي حال کي کوي، چي د ملګرو ملتونو امنیت شورا پرون سې شنبې د افغانستان په اړه د دې سازمان د عمومي منشي ګوترش پر راپور بحث کوي.