هيواد راډيو تلوېزيون هيواد راډيو تلوېزيون
د هیواد پخواني ولسمشر حامد کرزي د افغان سولي په تړاو په واشنګټن کي د امریکا، روسیې، چین او اروپایي ټولني د ګډې ناستي هرکلی کړی دی.
د کرزي له مطبوعاتي دفتره په خپره سوې اعلامیه کي راغلي، سربېره پر دې پخواني ولسمشر د نړۍ د سترو هېوادونو تفاهم او همکاري د افغان سولي او ثبات لپاره مهم عنصر بولي. اعلامیه کاږي، کرزی په افغانستان کي د تلپاتي سولي په راوستو کي د افغانانو ترمنځ د همه شموله او ریښتیني بین الافغاني مذاکراتو رول حیاتي ګڼي او د هغو پر ملاتړ او پیاوړتیا ټینګار کوي. دا په داسي حال کې ده چي د افغان سولي لپاره د امریکا ځانګړي استازي د روسیې، چین او اروپایي ټولني له استازو سره پر افغان سوله خبري کړي دي او په دې تړاو یې ورته پر وروستیو پرمختګونو معلومات ورکړي دي.