هيواد راډيو تلوېزيون هيواد راډيو تلوېزيون
یوه مخکښ امریکایي سناتور رانډ پاول مسکو ته د سفر پر مهال ویلي، چې متحده ایالات اړتیا لري چي له روسیې سره نوري خبرې وکړي او له دغه هېواد سره د اړیکو بهیر پرانیستی ولري.
پاول د اګسټ میاشتي پر شپږمه د روسیې د مشرانو جرګې د نړیوالو چارو کمېټي له غړو سره تر لیدو وروسته وویل، روسیې ته د ده ورتګ موخه دا ده چي دوی غواړي له روسیې سره پرانیستي کرښې ولري.
پاول یو له هغو دوو سناتورانو نه وو، چي په ۲۰۱۷ کال کې یې د روسیې پر وړاندي له بندیزونو سره مخالفت وکړ او د جولای په ۱۶ مه یې په هلسینکي کي د روسیې او امریکا د مشرانو تر لیدني وروسته د ولسمشر ډونالډ ټرمپ د څرګندونو دفاع وکړه.
روسي رسنیو د پاول له قوله لیکلي چي وایي د روسیې د مشرانو جرګې د نړیوالو چارو کمېټې غړو ته یې په واشنګټن کي د خبرو بلنه ورکړې ده.